raminassar
 
عدد المساهمات : 147
نقاط : 17292
السٌّمعَة : 3
تاريخ التسجيل : 29/06/2009
العمل/الترفيه : طالب في المرحلة الثانوية
بطاقة الشخصية
نشاط العضو:
    (1/1)
 | | موضوع: أسئلة بتجلط الثلاثاء يوليو 14, 2009 4:42 pm | |
| شوفو اكتر اساله بتموت وبتجيب الجلطه عند ما يكون الواحد معصب وقرفان حالو
بتكون بتختك نايم ومطفي الضو ومتغطي بالبطانيه ....
بيجي واحد بيفتح الباب ويقول
شو نايم ؟؟؟؟
لا والله عم ارقص , بس يمكن الوضع بوحي اني نايم !!!!
............ ......... ......... ......... ......... ..
تكون معزوم عند حد ولما تدق الباب بيفتح واحد فهمان وبقول بدهشه !!!!
شو وصلت ؟؟؟؟
لا والله لساتني على الطريق , في عجئه على الشارع
............ ......... ......... ......... ......... .
تكون لابس احلى اواعي ومشيك حالك وراشش عطر وحامل مفاتيح السياره وطالع برات البيت ...
بيجي واحد ما شاء الله عليه بسالك
شو طالع مشوار ؟؟؟
لا والله طالع على السطوح اصلح صحن الديجيتال !!!!
............ ......... ......... ......... .........
حامل سماعة التلفون وعم تبلش تدق الارقام ...
وفجئه بيجي حد من الاهل الكرام بسالك بكل استغراب
بدك تحكي تلفون ؟؟؟؟
لا شو احكي , بس كنت عم بجرب التلفون !!!!
............ ......... ......... ......... ........
حاطط راسك بالدراسه وكتاب بايدك اليمين وقلم بايدك الشمال
وبلحظه يدخل عليك واحد من اهل بيتك بسالك
عم تدرس ؟؟؟
لا والله عم غير زيت السياره !!!!
............ ......... ......... ......... .......
مذيعه بيوم العيد عم تلف بالشارع وتعيد على المواطنين
بتسال احد المواطنين المعترين وبنفس الوقت بتجاوب على سؤالها !!!
شو بتساوي اول يوم العيد ؟ اكيد بتروح تعيد على الاهل والقرايب !!!
لا والله بالعاده بفكر العب شده وما اروح عند حد
............ ......... ......... ......... .....
وانتا رايح الصبح على الجامعه بتطلع بتاكسي وبتمسك 3 شيكل وبتحكي للقدامك لو سمح اعطي الشوفير ....
الفهمان الي قدامك بسالك
واحد ؟؟؟؟ مع العلم انها اجرة التاكسي 3 شيكل الله يا اخي 60 واحد !! ورجعلي الباقي !!!
............ ......... ......... ......... ...
واحد فهمان اشر باصبعه لتكسي ... وفعلا وقفلو التاكسي
الفهمان بسال التاكسي
فاضي ؟؟؟؟
لا عندي 20 طلب بس وقفت حيونه !!!!
............ ......... ......... ......... ..
بدك تنزل من التاكسي .... على اليمين لو سمحت
وبكل صبابه بتسمع الرد من الشوفير
نازل هون ؟؟؟؟
لا والله بس عم بجرب صوتي
| |
|
OMARMUNIR
 
عدد المساهمات : 4
نقاط : 16841
السٌّمعَة : 4
تاريخ التسجيل : 13/07/2009
بطاقة الشخصية
نشاط العضو:
(1/1)
| | موضوع: رد: أسئلة بتجلط الخميس يوليو 30, 2009 6:22 pm | |
| | |
|
